कधी कधी वाटत... अगदि लहान असल्यासारखं तिला घट्ट मिठी मारुन ढसाढसा रडावं. लहानपणापासुन आतापर्यंत आपल्यामुळे झालेला त्रास, मनस्ताप हयाचि उजळणी करुन माफी मागावी.
रागात आपल्या ताेंडातुन निघालेले धारधार शब्द किती लागले असतील ना तिच्या मनाला. जन्माला येवुन तिचा वांझाेटापणा दुर करुन तिच्यावर उपकार केल्यासारखे आपण वागताे. किती सहज गृहित धरताे आपण तिला. तिच्या इच्छा-अपेक्षांची यादि तेव्हाच फाडुन फेकुन दिली जेव्हा आपला जन्म झाला. अख्ख आयुष्य वेचल तिने आपल्याला घडवण्यात, बदल्यात कसलीच अपेक्षा न ठेवता. तरी आपण जरा कुठे कमी पडले का शहाणपणाचे धडे गिरवताे. घालुन पाडुन बाेल्ल का आपल्या कसं बरं वाटत.
आपल्या पंखात जिने बळ भरलयं. तिच आपल्या मायेला पारखी झालिये. कितीही नालायक असलाेतरी बापासमाेर वकीली तीच करते. तुमचं कस हाेणार हया विचारांच आेझ घेऊन ती हया वयात रात्रिची कुस बदलते. आपण मात्र तिला दुखवुन सुध्दा साखरझाेपेत असताे.
वयाेमानानुसार ती सुध्दा खुप थकलीये. खुप शारिरिक वेदना तिला सुध्दा खुपतायेत पण त्याची झळ तुम्हाला कधीच बसु देणार नाही. आपण माेठ हाेण्याच्या नादात तिच्यापासुन तुटत चाललाेय. ती नाही कधी बाेलुन दाखवत पण फक्त तिच्या डाेळ्यात नीट बघा तुमच्या बद्दलची काळजी अजुनही त्या थकलेल्या डाेळयात तशीच गाेठुन आहे.
तिने जे केलंय ते आपल्यासाठीच हाेतं, ति जे करतीये ते आपल्यासाठीच आहे आपल्याला त्याची तसुभरही कदर नाही हा भाग वेगळा. नशिबाने भेटलेली तिच एक अशी व्यक्ती आहे जिची जागा काेणीच घेऊ शकत नाही.
तिला जवळ घेवुन सांगायचय, बास झाल आता तुझ तिळतिळ तुटणं सगळयांसाठी. जग ना स्व:तासाठी. गुदमरुदे ना जीव आमचासुध्दा हया जीवघेण्या गर्दीत. काही नाही करता अाले तरी तुझी मायेची आेझंळ आहेच ना परत. फक्त तुझ्या डाेळ्यात समाधानाची चमक दिसावी हिच काय ती इच्छा.
पुढच्या जन्मी कुठलाही जीव भेटु दे, फक्त ताे तुझ्या पाेटी असु दे. तुझ्या गर्भाइतकी सुरक्षितता हया जगात कशालाच नाही.
#कल्पतरु - आई
समीर क्षमा दत्तात्रय कडु (लाेणावळा)
PC;Google.com
Comments
Post a Comment